Niaina
Sahirana ary miantso vonjy mafy amin’ny tompon’andraikitra amin’izao fotoana ny mpiasan’ny Secren, na ilay orinasa mpanamboatra sy mpikojakoja sambo any Antsiranana, faritra Diana. Efa am-bolana maromaro izy ireo tsy nandray karama, noho ny faharatsim-pitantanana ao anivonity orinasa ity, izay ny rahalahin’ny Praiministra am-perinasa no mitantana izany orinasa izany amin’izao fotoana dia i Ntsay Abel. Araka ny sora-baventy asehon’ireo mpiasa, tsy voaloa ny hofan-tranon’izy ireo, tsy voaefa ny vidin-jiro sy ranon’ny Jirama, sahirana izy ireo amin’ny fampidirana mpianatra an-tsekoly amin’izao fidiran’ny mpianatra izao,… Sao mba tsy rariny hoy ihany ny fanambarana avy any Diégo.